- Que é o proceso de Boloña?
- Vantaxes para ti
- Cómo acceder aos novos estudos
- Cómo é a nova Universidade
- Cómo será a túa aprendizaxe
- Compatibiliza os teus estudos
- Canto custan os estudos?
- Bolsas e axudas
- Dámoslles resposta ás túas dúbidas
- Estás en:
- Que é o proceso de Boloña?
Os países europeos decididos a crear unha Unión Europea (UE) foron avanzando en diferentes eidos: libre circulación de mercadorías, libre circulación de persoas, libre circulación de capitais... Pero só se había conseguir unha verdadeira Unión Europea (UE) coa libre circulación do coñecemento, dos estudantes universitarios e dos titulados universitarios.
Despois de varias reunións en Lisboa e París, os Ministros encargados da educación superior de 29 países europeos volvéronse reunir en Boloña o 19 de xuño de 1999, para celebrar unha nova conferencia, que rematou coa chamada Declaración de Boloña, en onde se sentan os alicerces para a súa consecución.
A Declaración establece un prazo ata o 2010 para a realización do Espazo Europeo de Educación Superior (EEES), con fases bienais de realización; cada unha destas fases conclúe coa correspondente Conferencia Ministerial que revisa o conseguido e establece directrices para o futuro.
Na Declaración de Boloña, establecéronse os seguintes obxectivos:
- Crear un sistema facilmente comparable dos sistemas educativos en Europa.
- Adoptar un sistema de estudos baseado en dous ciclos principais: Grao e Posgrao, (composto por dous niveis: Máster e Doutoramento)
- Establecer un sistema de créditos para medir o traballo, o estudo e as competencias, habilidades e destrezas dos estudantes, que permita o recoñecemento dos estudos e a mobilidade entre as universidades europeas.
- Asegurar a calidade das institucións de educación superior e as titulacións universitarias en Europa.
- Promover a mobilidade para que estudantes, profesores e persoal administrativo das universidades poidan estudar e traballar en calquera universidade europea.
- Fomentar a dimensión Europea na educación superior con particular énfase no desenvolvemento curricular.
Na actualidade son 46 países, entre eles España, os que asinaron a Declaración de Boloña.
A todos os cambios que se veñen realizando nas universidades destes 46 países é ao que lle chamamos Proceso de Boloña.
Deica agora celebráronse conferencias en Praga (2001), Berlín (2003), Bergen (2005) e Londres (2007). A vindeira reunión hase celebrar en Lovaina, en abril do 2009.
