A adaptación dos plans de estudo ao novo modelo do Espazo Europeo de Educación Superior (EEES) require duns cambios estruturais que se irán realizando nas universidades, axustando o esforzo económico das melloras de adaptación ao ritmo gradual de implantación dos novos Graos.

Estes cambios afectan ás metodoloxías, ao profesorado e ás infraestruturas, fundamentalmente as informáticas, os CRAI (Centros de Recursos para a Aprendizaxe e a Investigación) e ao resto dos espazos (aularios, bibliotecas, laboratorios...) que serán adecuados aos obxectivos do Espazo Europeo de Educación Superior (EEES) no marco da
Estratexia Universidade 2015 e do programa de Campus de Excelencia Internacional.