• Título:  O FANZINE E A RUPTURA DO MONOPOLIO DA MENSAXE. USO DOS FANZINES COMO MEDIOS INFORMATIVOS E DE EXPRESIÓN EN GALICIA. 1990-2005
• Autor:  FERNÁNDEZ MARIÑO, RAMÓN
• Universidad:  Universidad de Santiago de Compostela
• Departamento:  Ciencia política y de la administración
• Fecha de Lectura:  04/02/2016
• Programa de doctorado:  Procesos Políticos Contemporáneos
• Dirección: 
  • Barreiro Rivas, Xosé Luís (CODIRECTOR)
  • Álvarez Pousa, Luis (CODIRECTOR)
• Tribunal: 
  • Rivera Otero, José Manuel (PRESIDENTE)
  • OTERO LOPEZ, M. LUISA (SECRETARIO)
  • SANIGER MARTINEZ, NIEVES (VOCAL)
  • SANJUAN PEREZ, ANTONIO SALVADOR (VOCAL)
  • PENA RODRÍGUEZ, ALBERTO (VOCAL)
• Descriptores: 
  • OPINION PUBLICA
• Localización:  BIBLIOTECA XERAL USC
• 205671_815070.pdf
• Resumen:
  O traballo para tese doutoral que se presenta é unha investigación sobre as publicacións amateurs ou non-profesionais e sen ánimo de lucro denominadas fanzines ou zines. Esta investigación, a primeira que abre camiño sobre os fanzines concretamente en Galicia, está orientada á procura da intencionalidade de ruptura do monopolio informativo por parte dos grandes medios impresos en Galicia, máis concretamente na época que vai de 1990 a 2005, é dicir, os anos de goberno de Manuel Fraga Iribarne. Os obxectivos son dous. Por unha banda, consolidar unha definición en firme do que é un fanzine. Para iso recorreuse ao traballo de campo mediante entrevistas a colectivos e persoas individuais, que aportaron canda súa definición. Todos e todas, colectivos e individuos estiveron dalgunha maneira implicados e implicadas na elaboración de fanzines durante ese tempo. O segundo obxectivo sería respostar á pregunta: foron os fanzines capaces de romper o monopolio informativo en Galicia durante os anos de goberno de Manuel Fraga Iribarne? A pregunta nace do libro La ciudad y las masas, de Manuel Castells (Madrid, Alianza, 1986), quen di que os movementos sociais buscan romper o monopolio informativo mediante costumes locais. O fanzine é entendido aquí como un elemento rupturista e por tanto, un medio de comunicación local, entendido como puntual dentro dun lugar moi concreto. Para facer chegar a estes obxectivos fíxose unha investigación teórica sobre o fanzine e o que supuxo durante os últimos oitenta anos, así como a súa evolución desde os anos 70 do século XX, logo da crise económica de 1973. Desde ese ano ata día de hoxe, os movementos máis implicados con fanzines foron o punk, o hardcore, antimilitaristas e/ou pacifistas, así como outros movementos non menos importantes como o feminista. Para a investigación sobre os fanzines galegos, fíxose unha escolla daqueles que se entenderon máis representativos como publicacións máis politizadas. É dicir, cunha carga máis paradigmática do que serían movementos contrarios aos valores que se trataban de imprimir á sociedade galega entre 1990-2005. Así, os oito fanzines analizados teñen en común seren representativos das ideas que circulaban en Galicia naqueles anos e que se materializaron non só no papel, senón en okupacións, colectivos sociais fóra das institucións representativas oficiais e contrarios a políticas locais, autonómicas e estatais que vían contrarias aos seus valores.